საქართველოს პარლამენტის სპეციალური ჯილდო

პროფესიული განათლების ეროვნული ჯილდოს 2024 წლის გამარჯვებულთა დაჯილდოების ცერემონია გაიმართა.

პროფესიული განათლების ეროვნული ჯილდოს ყოველწლიური კონკურსი, საქართველოს განათლების, მეცნიერებისა და ახალგაზრდობის სამინისტროს მხარდაჭერით, ათასწლეულის ფონდის ორგანიზებით 2017 წლიდან იმართება. მისი მიზანია პროფესიული განათლების, როგორც ქვეყნის ეკონომიკის გაძლიერების მნიშვნელოვანი კომპონენტის, განვითარება და პოპულარიზაცია. კონკურსის გენერალური სპონსორია გუდავაძე-პატარკაციშვილის ფონდი. კონკურსის მხარდამჭერია ასევე ა(ა)იპ პროფესიული უნარების სააგენტო, საქართველოს პარლამენტი და ისრაელის საელჩო.

სსიპ კოლეჯი „მერმისი“ მუდმივად ორიენტრებულია განვითარებაზე, პროფესიული განათლების პოპულარიზაციაზე, რისი წარმოჩენის შესაძლებლობასაც აღნიშნული კონკური იძლევა. სწორედ ამიტომ ყოველწლიურად აქტიურად მონაწილეობს კოლეჯი კონკურსში და სხვადასხვა წლებში ხუთ ნომინაციაში აქვს გამარჯვება მოპოვებული:

🔶2018 წელს კოლეჯი „მერმისი“ დასახელდა წლის პროფესიული საგანმანათლებლო დაწესებულება
🔶 2019 წელს კოლეჯის სტუდენტი - წლის პროფესიული განათლების სტუდენტი
🔶2020 წელს კოლეჯის პროფესიული განათლების მასწავლებელი - წლის პროფესიული განათლების მასწავლებელი
🔶2023 წელს კოლეჯის „სამკერვალო წარმოების“ პროფესიული საგანმანთლებლო პროგრამა - წლის პროფესიული საგანმანათლებლო პროგრამა

წელს სსიპ კოლეჯმა „მერმისი“ საქართველოს პარლამენტის სპეციალური ჯილდო მოიპოვა ინკლუზიური განათლების განვითარების მიმართულებით.